Яхшилар қадрини фақат яхшилар билур
Расулуллоҳ соллаллоҳу алайҳ ва салламга ўн йил хизмат қилган улуғ ансорий йигитлардан бўлган зот – Анас ибн Молик розияллоҳу анҳу айтадилар:
«خرجت مَعَ جرير بن عبد الله البَجَليّ رضي الله عنه في سَفَرٍ ، فَكَانَ يَخْدُمُني ، فَقُلْتُ لَهُ : لاَ تَفْعَل ، فَقَالَ : إِنِّي قَدْ رَأيْتُ الأنْصَارَ تَصْنَعُ برسول الله صلى الله عليه وسلم شيئاً آلَيْتُ عَلَى نَفسِي أنْ لا أصْحَبَ أحَداً مِنْهُمْ إلاَّ خَدَمْتُهُ».
متفق عليه
Жарир ибн Абдуллоҳ Ал-Бажалий розияллоҳу анҳу билан бирга сафарга чиқдим. Сафар давомида у киши (ёшлари улуғ ҳамда буюк саҳобий бўлишларига қармасдан) менинг хизматларимни бажариб борардилар. Мен у кишига: «Ундай қилманг!», десам, у киши шундай дедилар:
Мен ансорийларни Расулуллоҳ соллаллоҳу алайҳи ва салламга шундай бир нарсани (ҳеч ким қилолмаган хизматларни) тақдим этаётганларини кўрганимдан буён ўзимга ўзим ваъда бериб Аллоҳга шундай деб қасам ичганман:
«Ансорийларнинг қайси бирларига бўлса ҳам ҳамроҳ бўлиб қолсам, мен албатта ана шу кишининг хизматида бўламан!».
(Саҳиҳи Бухорий: 2888-ривоят, Саҳиҳи Муслим: 2513-ривоят)
•┈┈┈┈┈┈•✿❁✿•┈┈┈┈┈┈•
Ислом Овози каналига марҳамат