Расулуллоҳга ҳамроҳ бўлишни истайсизми?
Расулуллоҳ соллаллоҳу алайҳи ва салламнинг ходимлари, Масжиди Набавийдаги супада яшаган камбағал саҳобаи киромлардан бирлари Абу Фирос Рабиа ибн Каъб Ал-Асламий розияллоҳу анҳу айтадилар:
Мен тунларни Расулуллоҳ соллаллоҳу алайҳи ва саллам билан бирга ўтказар эдим, таҳорат олишлари учун сувларини олиб келиб берардим ва яна бошқа хизматларини ҳам бажариб турардим.
У зот (тунлардан бирида) менга шундай дедилар:
«سَلْنِي«
فقُلْتُ : أسْأَلُكَ مُرَافَقَتَكَ في الجَنَّةِ .
فَقَالَ : «أَوَ غَيرَ ذلِكَ«؟
قُلْتُ : هُوَ ذَاكَ
قَالَ : «فأَعِنِّي عَلَى نَفْسِكَ بِكَثْرَةِ السُّجُودِ»
رواه مسلم
«Мендан бирон нарса сўрагин (қандайдир эҳтиёжларинг бўлса бажо қилиб берай)?»
Шунда мен айтдим:
Жаннатда сизга ҳамроҳ бўлишни сўрайман.
Расулуллоҳ соллаллоҳу алайҳи ва саллам айтдилар:
«Бундан бошқа нарса сўрасанг бўлармиди«.
Мен айтдим:
Менга шу нарса керак холос.
Расулуллоҳ соллаллоҳу алайҳи ва саллам жавоб бердилар:
«Ундай бўлса, мен сенга ёрдам бера олишим учун сен ҳам менга ёрдам бергин – (Ягона Аллоҳнинг Ўзига) кўп-кўп сажда қилиб (фарз намозлар билан бирга кечалари таҳажжуд намозларини, кундузлари яна нафл намозларни кўпайтириб ўқиб) юргин«.
(Имом Муслим ривоятлари)
•┈┈┈┈┈┈•✿❁✿•┈┈┈┈┈┈•
Ислом Овози телеграм канали