Абдуллоҳ ибн Салом розияллоҳу анҳу бир куни бозорда устларига бир боғич ўтин юклаб кетаётган эдилар. У кишини кўрган кишилар сўрашди:

«Аллоҳ сизни бу нарсадан беҳожат қилган-ку, нима учун ўзингизни бундай ишлар билан қийнаяпсиз?»

. Чунки Расулуллоҳ саллаллоҳу алайҳи ва салламдан қуйидаги сўзларни эшитганман:

«لا يدخلُ الجنةَ مَن في قلبِه خردلةٌ من كبرٍ».

«Кимнинг қалбида бир дона хантал уруғичалик миқдорда бўлса ҳам кибр (ҳақни қабул қилмаслик, ўзини бошқалардан устун кўриш туйғуси) мавжуд бўлса, у жаннатга кирмайди».

(Имом Ҳайсамий ривоятлари)

* Ибн Салом ким эди ?

Мадинада яшаган яҳуд қабилаларининг энг катта олимларидан бири.
Исломни қабул қилишларидан олдин ўз қавмлари ичида катта обрў-эътибор билан кўтар-кўтар қилиб юрилган бу зот Исломга кириб, Пайғамбаримиз саллаллоҳу алайҳи ва салламга эргашишлари биланоқ ўзларининг қабиладошлари у кишидан бутунлай воз кечиб юборишади. Шунга қарамасдан Абдуллоҳ ибн Салом разияллоҳу анҳу Ислом динида вафот этгунларига қадар собитқадам давом этганлар.

* Кибрдан даволаниш намуналари саҳобалар ҳаётида :

Саҳобаи киромларнинг ҳаётлари билан танишар экансиз, улар ўз нафсларида кибрдан заррача асорат қолдирмаслик мақсадида бутун ҳаётларида қандай яшаганликлари ҳақида кўпдан-кўп гўзал ибратли қиссаларга гувоҳ бўласиз.

Абу Бакр ва Умар разияллоҳу анҳумо халифалик даврларида кечалари ўзларининг кимликларини билдирмасдан халққа хизмат қилиб юришлари, Абу Зар разияллоҳу анҳунинг Билол Ал-Ҳабаший розияллоҳу анҳуга бўлган муомалалари бу борадаги машҳур намуналардан. Мақола чўзилиб кетишидан қўрқмаганимизда кўплаб қиссаларни ёдга олишимиз мумкин эди.

•┈┈┈┈┈┈•✿❁✿•┈┈┈┈┈┈•

https://telegram.me/islomovozi