1444 ҳижрий сана шаъбон ойининг 29-куни Қуёш ботган лаҳзаларда самода янги ҳилол кўринмагани учун 2023 милодий йил 22-март чоршанба шаъбон ойининг 30-куни деб ҳисобланди.

Саудия Арабистони Олий маҳкамаси 21-март кечқурун эълон қилган расмий қарорида ҳам самода янги ҳилол кўринмагани туфайли чоршанба шаъбон ойининг 30-куни деб ҳисобланиши айтилди.

Шундай қилиб, рамазон ойининг биринчи куни 2023 йил 23-март пайшанба куни бўлади иншоаллоҳ..

Фурсатдан фойдаланиб, Ислом Овози таҳририяти барча мусулмонларни рамазон ойи билан муборакбод этади.

Устимизга ташриф буюриб келаётган ушбу муборак рамазон ойини холис Аллоҳ учун, Суннати Набавийяга мувофиқ тарзда кундузлари рўза тутиб, кечалари таровиҳ ва таҳажжуд намозларини ўқиб, қўлимиздан келганича хайри эҳсонлар қилиб ўтказишимизга Меҳрибон Раббимиз Аллоҳ таоло барчамизни муваффақ айласин ва Ўз даргоҳида гўзал ва мукаммал суратда қабул этсин…

Ислом Овози таҳририяти