Жаноб Пайғамбаримиз соллаллоҳу алайҳи ва саллам шаънларини қандай ҳимоя қиламиз?
Қуйидагилар бу хусусда ҳар биримиз қилишимиз лозим бўлган амалий ишлардир:
- Бутун ҳаётимиз давомида Аллоҳ таоло ва унинг пайғамбари Муҳаммад алайҳиссаломга итоатда бўлиб, Расулуллоҳ саллаллоҳу алайҳи ва салламнинг ахлоқ ва суннатларига эргашиш.
- У зотнинг сийратлари ёзилган ишончли китобларни ҳар хил тилларга (жумладан француз, инглиз, рус ҳамда ўзбек тилларига) таржима қилиб мунтазам тарқатиб бориш.
- Ёшларимиз Пайғамбаримизни таниши ва У зотга эргашиши учун жидду жаҳд кўрсатишимиз.
- Расулуллоҳ саллаллоҳу алайҳи ва салламни ҳақорат қилаётган давлатларнинг молларидан воз кечиш. Айни дамда имкони борича ўша молларнинг (сифати пастроқ бўлса ҳам) мусулмонлар томонидан ишлаб чиқарилган муқобилларини истеъмол қилиш.
- Турли душманона, провокатив (қўзғовчи) ва ҳақоратона ёндашувларга ул Жанобнинг ҳаётларида қандай жавоб берганларини сийратдан ўрганиб унга эргашиш.
- У кишининг шаънларини ҳимоя қилиб тинч намойишлар уюштириш. Бунда ушбу тадбирнинг турли давлатларда турлича таъсир қилиши эътиборга олиниши зарур.
- Юқоридаги ишларни қилишда ОАВдан унумли фойдаланиш лозим. Шунингдек ОАВда Расулуллоҳ саллаллоҳу алайҳи ва саллам ҳақ-ҳуқуқлари, ислом дини ҳурмати ва унинг гўзал таълимотлари ҳақида давомли материаллар бериб бориш зарур.
- Бу ишларни қиларкан “қош қўяман деб кўз чиқарадиган” ёндашувлардан, айниқса зўравонликнинг барча кўринишларидан мутлақо узоқ туриш лозим.
Валлоҳу аълам.