«Хатокорларнинг яхшиси кўп тавба қилувчилардир» 4-қисм

Бўлимлар: Рисолалар, Таҳририят

  • Имом Фузайл ибн Иёз раҳимаҳуллоҳ (187 ҳ. 803 м.) айтадилар:

ما أنكرتَ من تغيُّر الزمان ، وجفاء الإخوان ، فذُنوبك ورّثَتكَ ذلك.
قوت القلوب (1/320)

«Замон ёмонликка ўзгариб, биродарлар бевафо бўлиб кетишаётган экан, бу нарсалар ўзингнинг гуноҳларинг туфайлидир».

(«Қувтул қулуб – Қалблар озуқаси» китоби: 1/320).

  • Имом Абу Довуд Ал-Ҳафрий (203 ҳ. 818 м.) айтадилар:

دخلت على كرز بن وبرة بيته فإذا هو يبكي، فقلت له: ما يبكيك؟ قال: إن بابي مغلق، وإن ستري لمسبل، ومنعت حزبي أن أقرأه البارحة، وما هو إلا من ذنب أحدثته !
حلية الأولياء (5/79)

Карз ибн Вабра раҳимаҳуллонинг уйларига кирсам йиғлаб ўтирган эканлар. «Нима учун йиғлаяпсиз?», деб сўрадим.

– Дарвозам ёпиб қўйилган, пардаларим тўсилган, кеча тунда ҳизбимни (ҳар доим ўқийдиган ибодатларимни) ўқишдан манъ этилдим (нимадир сабаб бўлиб ўқий олмадим). Бу мусибатларнинг сабаби албатта менинг қандайдир гуноҳга йўл қўйганлигимдир» – деб жавоб қилдилар.

(Ҳилятул авлиё – Авлиёлар зийнати» китоби: 5/79).

  • Имом Абу Сулаймон Дороний (215 ҳ. 830 м.) раҳимаҳуллоҳдан сўралди:

مَا بَالُ الْعُقَلَاءِ أَزَالُوا اللَّوْمَ عَمَّنْ أَسَاءَهُمْ ، قَالَ : إنَّهُمْ عَلِمُوا أَنَّ اللَّهَ إنَّمَا ابْتَلَاهُمْ بِذُنُوبِهِمْ .
الآداب الشرعية (2/295)

– Нима учун донолар ўзларига қилинган бировларнинг ёмонлигини кечириб юборадилар?

– Чунки Аллоҳ уларни ўзларининг гуноҳлари туфайли имтиҳон қилаётганини яхши биладилар», деб жавоб бердилар.

(Имом Ибн Муфлиҳ раҳимаҳуллоҳ «Одоби шаръийя» китоблари: 2/295)

Давоми бор…

•┈┈┈┈┈•✿❁✿•┈┈┈┈┈•

https://telegram.me/islomovozi