Савол: Магазинлардан «кредит»га бирор жиҳоз сотиб олса бўладими? 

Сардорбек.

Жавоб: Насияга мол сотиб олиш ёки сотиш икки шарт билан жоиз. Биринчи шарт – савдо қилинаётган мол олтин ёки кумуш бўлмаслиги керак. Иккинчиси шуки, муддат учун фойда олиш мумкин эмас.

Олтин-кумушдан бошқа нарсаларни насияга олиб-сотишнинг жоиз эканига қуйидаги ҳадис далилдир:

عَنْ عَائِشَةَ رَضِيَ اللَّهُ عَنْهَا قَالَتْ اشْتَرَى رَسُولُ اللَّهِ صَلَّى اللَّهُ عَلَيْهِ وَسَلَّمَ طَعَامًا مِنْ يَهُودِيٍّ بِنَسِيئَةٍ وَرَهَنَهُ دِرْعًا لَهُ مِنْ حَدِيدٍ. (البخاري ومسلم).

Оиша разияллоҳу анҳодан ривоят. У киши дедилар: «Расулуллоҳ соллаллоҳу алайҳи ва саллам бир яҳудийдан насияга озуқа сотиб олдилар. Унга ўзларининг темир совутларини гаровга қўйдилар».

(Бухорий ва Муслим).